Il-Forum Unions Maltin (For.U.M.) Jiddiskuti l-Futur tat-Trade Unions

Il-Forum Unions Maltin issieħeb maċ-Ċentru għall-Istudji dwar ix-Xogħol fi ħdan l-Università ta’ Malta biex jiddiskuti l-futur tat-trade unions. Dan seħħ waqt konferenza fl-Università ta’ Malta li fiha pparteċipaw l-Onor. Andy Ellul, l-Onor. Ivan Castillo, mexxejja u rappreżentanti tat-trade unions, uffiċjali tal-gvern u negozjaturi. Id-diskors ewlieni sar mill-Prof. Manwel Debono, il-kap taċ-Ċentru għall-Istudji dwar ix-Xogħol, li ffoka fuq l-aħħar riċerka dwar l-irwoli tar-rappreżentanti tat-trade unions f’ambjent trejdunjonistiku u tax-xogħol li qed jinbidel.